अखण्ड सम्बाददाता २७ बैशाख २०७९, डडेलधुरा
सुशासनको क्षेत्रमा काम गर्ने गैर सरकारी संस्था संजीवनी नेपालले डडेल्धुराका सरोकारवालासँग परियोजनाको प्रभाबकारिता सम्बन्धि छलफल गरेको छ ।
अमरगढी नगरपालिकाको वडा नंं. ८ र ९ मा संचालित पारस्परिक जवाफदेहिता परियोजनाको कार्य अनुभव तथा कार्य अबधिको समिक्षा गर्दै आगामी दिनमा कार्यक्रमको उपलब्धी, दिगोपना र प्रभावकारिताका बारेमा सम्बन्धित जनप्रतिनिधि, नागरिक समाज डडेल्धुराका प्रतिनिधि र सञ्चारकर्मीसँग मंगलवार अन्र्तक्रिया गर्दै सुझाव सल्लाह संकलन पनि गरेको हो ।
कार्यक्रममा अमरगढी नगर प्रमुखविश्वेश्वर प्रसाद ओझाले स्थानीय सरकार संचालन विषयमा सुशासन पहिलो शर्त भए पनि नागरिक निगरानी हुन नसकेको बताउँदै अमरगढी नगरपालिकामा नीति निर्माण कार्यमा पारस्परिक जवाफदेहिताको ठूलो भुमिका रहेको र जनतामा पनि प्रभाबकारि रहेको बताए ।
उहाँले अमरगढी नगरपालिका तथ्यांकमा उपलब्धीमूलक देखिए पनि शुरुवात गरिएका प्रयासहरुलाई श्रोतसाधनको सदुपयोग गर्दै आगामी निर्वाचित जनप्रतिनिधिहरुले निरन्तरता दिनु पर्ने बताएका छन ।
आगामी दिनमा परियोजनाको आवश्यकता र औचित्य माथी सञ्चारकर्मी र नागरिक समाज डडेलधुराका सदश्य एवं अगुवाहरुले सुझाव दिदै यो परियोजना पालिका स्तरमा सबै वडाहरुमा बिस्तार गरेर नमूना बनाउन पहल गर्नु पर्ने बताएका छन ।
परियोजनाका कार्यकारी निर्देशक नितु भट्टले डडेल्धुराको स्थानीय सभाले पहल गरेका कामहरु सकारात्मक रहेको, नागरिक समाजले उठान गरेका र पहलकदमी गरेका कामहरु प्रति सन्तोष व्यक्त गर्दै आम नागरिक सम्म अबधारणा पुगाउन र सुशासनको लक्ष्य प्राप्तीका लागि सरोकारवालाहरुले अझै सक्रिय भुमिका निर्वाहका लागि आग्रह पनि गर्नु भएको थियो ।
